Ambasada e Shteteve të Bashkuara të Amerikës në Tiranë, ka dalë me një komunikatë lidhur me të gjithë ata që udhëtojnë drejt Amerikës për të lindur fëmijë, në mënyrë që të përfitojnë nënshtetësinë.
Sipas këtij njoftimi, do të refuzohen të gjitha vizat turistike për në SHBA nëse oficerët konsullorë do të krijojnë dyshimin se udhëtimi në Amerikë është një mënyrë për të fituar nënshtetësinë amerikane.
Sqarohet se udhëtimi në SHBA me qëllim nënshtetësinë, është e ndaluar.
“Përdorimi i vizës turistike për të udhëtuar kryesisht me qëllimin për të lindur në Shtetet e Bashkuara dhe për të siguruar shtetësinë për fëmijën tuaj nuk lejohet dhe mund të çojë në refuzimin e vizës.
Oficerët konsullorë të SHBA do të refuzojnë aplikimet për vizë turistike nëse besojnë se qëllimi kryesor i udhëtimit është të lindni fëmijën tuaj në Shtetet e Bashkuara për të fituar shtetësinë amerikane. Kjo është e ndaluar.” – thuhet në reagim.
