Kryetarja e Bashkisë së Roskovecit, Majlinda Bufi është paraqitur paraditen e kësaj të hëne në Prokurorinë e Posaçme (SPAK).
Ende nuk dihen arsyet e thirrjes së saj në SPAK dhe për cilën pyetje do të merret në pyetje, por kjo nuk është hera e parë që Bufi i Roskovecit thirret në Prokurorinë e Posaçme.
Ajo ka dëshmuar në SPAK edhe në Maj të vitit 2024, mbi kallëzimin e bërë nga opozita për veprat penale “Shpërdorim detyre” dhe “Kanosje apo dhunim ndaj pjesëmarrësve në zgjedhje”, sa i përket zgjedhjeve lokale të vitit 2023.
Kallëzimi u bë nga PD pas një videoje të shfaqur në një emision televiziv, ku kryebashkiaja e Roskovecit shihej teksa i bënte presion me shkarkim nga puna një sanitareje për arsyen se kishte marrë pjesë në një miting të opozitës. Gjithsesi, që prej Majit të vitit 2024 kjo çështje ka kaluar në heshtje dhe nuk dihet nëse SPAK ka ndërmarrë veoprime të tjera apo jo.
Gjithashtu, Majlinda Bufi u kallëzua nga opozita në SPAK edhe para zgjedhjeve parlamentare të 11 Majit, pasi reklamonte në rrjetet sociasle shpërndarjen e 300 legalizimeve në Njësinë Administrative Strum të Roskovecit.
Kodi Zgjedhor i kishte ndaluar legalizimet para zgjedhjeve, teksa demokratët pretendonin se ajo shpërndau 300 certefikata pronësie për banorët e Roskovecit me qëllim tjetërsimin dhe manipulimin e vullnetit të tyre për zgjedhjet parlamentare të 11 majit.
Gjithashtu, Majlinda Bufi bëri edhe tender 50 ditë para zgjedhjeve për të shtruar rrugët me asfalt në Njësinë Administrative Strum, ku dukej se qëllimi ishte sërish marrja e votave për zgjedhje.
E “zhytur“ në borxhe, bashkia Roskovec tender për stacion elektrik/ Bufi: Do ndërtojmë dhe karburant
Bufi i Roskovecit tender 50 ditë para zgjedhjeve, shtron rrugët me asfalt në Strum
Material për SPAK-un, Bufi i Roskovecit jep hapur legalizime në këmbim të votave
