Për gazetarin, Enton Abilekaj ‘dalja’ në skenë e kryebashkiakut të arrestuar të Tiranës, Erion Veliaj përmes rrjeteve sociale, kësaj radhe në TikTok, platformën e bllokuar nga Rama, tregon qartë sfidën që i ka hapur kryeministrit.
Abilekaj tha se shfaqja e Veliajt në TikTok, tregon se llogaria e tij në facebook nuk menaxhohet më nga ai, ndërsa tanimë po përdor mediat ‘e veta’ për t’i dhënë mesazhin Ramës se duhet ta nxjerrë nga burgu.
Abilekaj theksoi gjithashtu faktin se kryebashkiaku Veliaj ka qenë një ndër bashkëpunëtorët e ngushtë të Ramës prej vitesh, dhe kjo bën që ai të këtë materiale dhe të dhëna kompromentuese për kryeministrin.
Problemi qëndron në faktin, se pavarësisht këtyre materialeve kundër Ramës, Veliaj nuk ka guximin dhe forcën për t’u përballur me kryesocialistin.
“Dalja e Veliajt në TikTok është sfidë për Ramën. Shfaqja e tij në TikTok na bën të dyshojmë se facebook nuk menaxhohet nga ai, dyshon që s’është ai. Disa media, që sa herë behet një betejë e heshtur Rama-Veliaj, mbanin anën e Veliajt, dhe sa herë ka gjyq Veliaj bëjnë presion e sulm të hapur ndaj Ramës. Vetë PS e di që drejtësia e re varet nga Rama.
Veliaj po lëviz mekanizmat e tij mediatike, brenda kazermës politike së Ramës s’e lufton dot Ramën, por me median që i ka pasur krah, tenton të bëjë zhurmë me shpresën se mund ta bëjë Ramën të reflektojë e ta nxjerrë nga burgu, duke besuar se ka mjetet për ta bërë.
Bashkëpunimi disavjeçar me Ramën, duke qenë se Veliaj ka qenë punëmbarues i Ramës, ai e di çka bërë Rama. Materialin e ka, po s’ka guximin ta bëjë. S’ka forcën e politikanit për t’u përballur me Ramën. Kjo lëvizje s’është rastësore, paralajmërim për Ramën. Dhe Veliaj ka si shqetësim, hallin e problemit me drejtësinë.”, tha Abilekaj per Syri tv.
