Policia e Korçës ka zbardhur një grabitje të regjistruar rreth dy vite më parë në fshatin Goskovë, ku dyshohet se janë grabitur rreth 6 milionë lekë të vjetra nga kasaforta e banesës së shteasit Artur Sejdarasi. Si autorë të kësaj ngjarje rezultojnë tre persona, ku një prej tyre rezulton nipi i mitur i Artur Sejdarasit.
Më konkretisht, në kuadër të operacionit të koduar “Goskova” është arrestuar shtetasit Samuel Tepexhiku, 24 vjeç, banues në Korçë, për veprat penale “Vjedhja, me pasoja të rënda, e kryer në bashkëpunim” dhe “Shtytja e të miturve në krim”.
Gjithashtu, është lëshuar urdhër-arrest i ri edhe për shtetasin Andi Sanço, 21 vjeç, banues në Goskovë, i cili aktualisht ndodhet në burgun e Reçit, i arrestuar më parë për një tjetër vepër penale.
Ndërkohë, për një 16-vjeçar, nipi i pronarit të banesës është caktuar masa e sigurisë “Detyrim paraqitje”, pasi dyshohet si bashkëpunëtor i autorëve.
Sipas bluve të qytetit juglindor, tre shtetasit e mësipërm kanë detyruar djalin e Artur Sejdarasit, pronar i banesës, që të gjente në banesë çelësin e kasafortës dhe të merrte prej aty shumën e lekëve.
“Në vijim të hetimeve rezultoi se këta shtetas, në bashkëpunim me njëri-tjetrin, kanë detyruar djalin e shtetasit A. S. që të gjente çelësin e kasafortës që ndodhej në banesën e tij dhe të merrte shumën e parave prej kasafortës.” – thuhet në njoftimin e Policisë.
Materialet procedurale i kanë kaluar Prokurorisë së Korçës për veprime të mëtejshme procedurale.
