Kryetari i Këshillit Kombëtar i Partisë Demokratike, Edi Paloka, ka reaguar përmes një postimi në rrjete sociale pas publikimit të një fotoje ku kryeministri Edi Rama shihet në shoqërinë e kuzhinierit turk Nusret Gökçe, i njohur në rrjet si “Salt Bae”.
Paloka e ka cilësuar foton si provokim ndaj qytetarëve, sidomos ndaj pensionistëve dhe atyre që, sipas tij, janë mashtruar me para në këmbim të votës.
Postimi nga Edi Paloka:
HALLALL! KA LEZET!
Do kënaqen ata pensionistët që nuk u del pensioni as për bukë, por rëndësi ka që “Mbreti” të bëjë qejf!
Edhe ata që e kanë prishur që para dy javësh 5 mijë lekëshin që morën për votë. Edhe ata që po u prishin shtëpitë, po u marrin ujin, po u rrëmbejnë pronat… por votën ia dhanë “Mbretit”!
Kurse Nusreti, ngaqë nuk përdor mish derri, duket se nuk ia ndjen erën edhe kur e ka afër, e me siguri që nuk e di as atë thënien:
“Kur derri futet në pallat mbretëror, nuk bëhet derri mbret, por pallati kthehet në stallë.”
Kishin edhe holandezët një thënie të bukur për këtë:
“Bretkosën, edhe po e vure mbi fron të artë, prapë drejt pellgut do kërcejë!”
Kështu dhe Rama për rilindasit e tij mund të jetë mbret dhe skllavopronar, por për njerëzit e lirë do të mbetet bajga që ka qenë përherë.
