Kreu i PD-së Sali Berisha, në konferencën e sotme me gazetarët tha se raporti përfundimtar për zgjedhjet 11 majit do të jetë gati brenda datës 10 qershor.
Berisha bëri me dije se ky dokument do të dërgohet në të gjitha kancelaritë dhe institucionet ndërkombëtare, përfshirë vendet anëtare të OSBE-së, Bashkimit Europian dhe Këshillit të Europës.
“Ne po operojmë, për shembull ne sot ne shpërndajmë raportin e përditësuar paraprak, i cili në fakt me terma të tjerë është një lloj raporti i ndërmjetëm.
Raporti përfundimtar do bëjmë çdo gjë që të jetë gati nga data 10 qershor.Por ndërkohë, ne si dokumente i nisim që të gjitha në misionin e ODIHR dhe misione të tjera vëzhguese.Ku do shkojë raporti përfundimtar?
Raporti përfundimtar do shkojë në të gjitha kancelaritë e vendeve anëtare të OSBE-se, BE-së dhe Këshillit të Europës.Raporti përfundimtar do të shkojë në të gjitha institucionet ndërkombëtare, konventat e të cilave janë dhunuar në këto zgjedhje.
Raporti përfundimtar do të shkojë në të gjitha parlamentet e vendeve anëtare të OSBE, BE dhe KiE.Pra, këto janë destinacionet e raportit përfundimtar”, tha Berisha.
