Kandidati i PD për qarkun Tiranë në zgjedhjet e 11 majit, Ilir Alimehmeti ka komentuar zgjedhjet dhe çfarë pritet të bëjë opozita.
Alimehmeti duke debatuar me socialistin Ardit Bidon në studio, u shpreh se fenomeni në këtë zgjedhje ndër të tjera ishte dhe treni bullgar dhe manipulimi i votimeve edhe një herë tjetër nga mazhoranca.
Alimehmeti shtoi se mbrojtja e votës pritet vetëm nga opozita, gjë për të cilën janë përgjegjës edhe institucionet shtetërore, që sipas tij në këto zgjedhje ishin inekzistente.
Mbrojtja e votës, sipas Alimehmetit është diçka jetike.
“Në radhë të parë, videot flasin vetë. Ç’duan materialet zgjedhore në një bar kafe. Po të vini re, këto gjëra i gjen opozita. Institucionet shtetërore i kemi pushim. Ndërkohë që task forca, institucionet kontrollet sytë mbyll. Nuk gjejnë dot gjë. Elementi i dytë. A është e përgjithësuar, kemi një raport të OSBE ODIHR. Na thonë që gara ka qenë e pabarabartë. Ka përdorim administrata. Intimidim të votuesve. Falja e gjobave 3 ditë para zgjedhjeve. Ta ndalon kodi. Raportet nuk thonë na është raportuar. Por kemi dëshmuar. Kanë prova dhe fakte ose kanë qenë dëshmitar. Sa kohë jemi në këto situata, është e kotë të flasim vullneti i popullit.
Vullneti i popullit është largimi nga Shqipëria. Tjetër kemi pjesëmarrje të ulët. Kryeministri bënte thirrje aktive për të mos shkuar në votime. Kishte disa njerëz të panjohur që dalin befas me 20 mijë vota, 30 mijë vota. A nuk është ky indikator i trenit bullgar? I merr dikush anonim. Këto janë realitete. Kishte fletë arresti të firmosur për element krimi në Durrës që në shkurt. Të jemi shumë të qartë, problemet nuk zgjidhen nga ata që i krijojnë problemet. Këta njerëz që i kanë shkaktuar do vazhdojnë ti shkaktojnë. Nëse ne nuk bëjmë gjysëm hapi përpara nuk do bëjmë kurrë“, tha Alimehmeti në News24.
