Dy prokurorët e caktuar nga Altin Dumani në Qarkun e Fierit për krimet zgjedhore, Sotir Kllapi dhe Doloreza Musabelliu kanë zbarkuar në terren për të monitoruar situatën, teksa na ndajnë vetëm disa orë nga nisja zyrtare e votimeve për zgjedhjet parlamentare.
Mediat raportojnë se prokurori Sotir Kllapi, i shoqëruar nga agjentë të BKH dhe nga oficerë të policisë së Fierit, kanë zhvilluar një vëzhgim në disa zona të qarkut. Një prej zonave nën monitorim është dhe Roskoveci.
Deri më tani raportohet se nuk janë konstatuar veprimtari të paligjshme për krime zgjedhore. Kujtojmë se Prokuroria e Fierit ka regjistruar 5 procedime penale lidhur me krime zgjedhore.
