Kryeministri Edi Rama ka vijuar sulmet dhe fyerjet ndaj kandidatëve të opozitës.
Gjatë takimit me militantët socialistë në Elbasan, Rama pyet se çfarë të mire ka sjellë Alizoti për këtë qytet?
“Këtu sollëm Tomor Alizotin. A mund të më thotë dikush se çfarë do të bëjnë demokratët e Elbasanit?” thotë Rama.
Një përgjigje ndaj kreut të qeverisë ka menduar Partia Demokratike e cila ka shpërndarë në rrjetet sociale një video të transformimit ndër vite të Arbjan Maznikut, i cili tashmë është shpërblyer nga lideri duke u pozicionuar i pari në listën e mbyllur të Partisë Socialiste në qarkun e Elbasanit.
Tashmë Mazniku është shpërblyer nga lideri duke e vendosur si kandidat të parin në listën e mbyllur, atë që ndër vite njihet si shpërdorues i parave publike.
Mazniku njihet për shpërdorimin e parave publike dhe përfshirjen e tij në shumë skandale, duke filluar nga bifteku me ar në Dubai dhe duke përfunduar në fjetjen e hoteleve luksoze të paguar nga oligarkët.
PD i bën thirrje Maznikut që të mbyllë “hesapet” në SPAK më pas të vijë dhe të kërkojë votën në Elbasan.
