Një ish-komisionere e Partisë Socialiste, e cila ka shërbyer në zgjedhjet e kaluara, aktualisht është ngarkuar nga KQZ me detyrë për të administruar votën e Diasporës. Ndërkohë, bashkëshorti i saj rezulton të jetë krijuesi i aplikacionit “Aktivisti”, një platformë e lidhur me PS-në që përdoret dhe përmban një databazë të gjerë informacionesh.
Kryetari i Komisionit Qendror të Zgjedhjeve, Ilirjan Celibashi, i ftuar në emisionin “Kafe Shqeto” në Syri TV dhe i pyetur nga gazetari Flavio Qarri, fillimisht deklaroi se personi i përzgjedhur për të administruar votën e diasporës nuk ka lidhje me ndonjë patronazh politik dhe nuk ka të drejtë të shprehë publikisht qëndrime politike.
Megjithatë, pas paraqitjes së një dokumenti nga gazetari që tregonte të kaluarën e saj si komisionere e PS-së dhe përfshirjen e bashkëshortit të saj në zhvillimin e platformës “Aktivisti”, Celibashi theksoi se më shumë rëndësi ka roli që ajo luan aktualisht sesa pozicionet që ka mbajtur më parë.
Pjesë nga bashkëbisedimi Qarri-Celibashi
Qarri: Si quhet personi që ju keni ngarkuar, ose KQZ-ja ka ngarkuar për të qenë drejtor i administrimit të votimeve nga jashtë?
Celibashi: Çfarë rëndësie ka. Është një XY.
Qarri: Është një zonjë.
Celibashi: Po
Qarri: A është kjo zonjë e atashuar politikisht aponë administratë?
Celibashi: Zero
Qarri: Çfarë nënkuptoni me zero?
Celibashi: Zero sepse, dhe nuk e di nga vjen kjo pyetje por nuk ka asnjë rëndësi, sepse jeni i lirë të pyesni për kë të doni dhe çfarë të doni. Nuk ka në Komisionin Qendror të Zgjedhjeve, patronazhist jo e jo, por nuk ka dhe nuk merr guximin askush që të demonstrojë se çfarë përfaqëson dhe aq më shumë akoma të angazhohet në mbështetje të X apo Y.
Qarri: Rikthehemi pak te personi që udhëheq këtë. Ju thoni që është zero mundësia. Nëse unë iu jap prova, mund t’ua jap tani publikisht nëse doni, mund t’ua jap privatisht, çfarë do bëni me këtë person?
Celibashi: Jepi provat, s’kam asnjë hezitim.
Qarri: E kam ruajtur si dokument këtë.
Celibashi: Po, po është. Ka qenë. Kam qenë ministër i qeverisë Rama, më shumë se kaq.
Qarri: Po ju më thatë zero. Tani doli që ka qenë komisionere e PS-së.
Celibashi: Po e di sa ka aty që kanë qenë komisionerë të PS-së, të PD-së, PR-së?
Qarri: Sa ka nuk e dimë, më thatë zero. Tani nga zero u bë një.
Celibashi: Jo, jo.
Qarri: Nëse bashkëshorti iv et ka bërë platformën Aktivisti bëhen 1 apo 2?
Celibashi: Jo, s’është e vërtetë, ky është spekulim.
Qarri: Aktivisti vijon të jetë platformë aktive.
Celibashi: Pse, je duke spekuluar. Ju pyetët çfarë bën dhe thashë zero. Se çfarë ka bërë, ka ërë 10 , 20, 30.
Qarri: Ka aq shumë komisionerë PS-ja sa që nuk gjetët dikë që është i barazlarguar.
Celibashi: Atë nuk e ka sjellë në punë PS-ja, atë e ka rekrutuar KQZ-ja dhenuk ka ardhur aty me rekomandim të PS-së. Është spekulim i atyre që kanë nxjerrë këtë, për arsye të ndryshme.
Qarri: E ka harruar zonja që ka qenë komisionere e PS-së, ka noj distancim shpirtëror, është nga ato që është mërzit nga Rama, çfarë garancie më jepni ju mua.
Celibashi: Ja çfarë garancie shikon ti që kam qenë ministër i Ramës.
Qarri: S’shoh asnjë garanci
Celibashi: Jemi në rregull atëherë, mos shiko asnjë garanci edhe për atë.
