Kandidati për deputet i Partisë Demokratike për Tiranën, Ethem Aga ka vijuar takimet elektorale në kuadër të zgjedhjeve të 11 majit.
Teksa shpalos programin e PD, Ethem Aga ka theksuar se vëmendja e qeverisë së ardhshme do të jetë shtresa e mesme e shoqërisë ku ka premtuar se do të falen gjobat për energjinë elektrike dhe ujin.
“PD–ASHM do të ndërmarrë një hap të rëndësishëm në mbështetje të qytetarëve më në nevojë: faljen e gjobave për energjinë elektrike dhe ujin. Kjo amnisti do të vlejë për pensionistët, familjet me të ardhura të ulëta, nënat kryefamiljare, personat në ndihmë ekonomike dhe të papunët.Ndërkohë që qeveria u ka falur miliona euro në taksa dhe gjoba oligarkëve, qytetarët e zakonshëm janë ndëshkuar madje edhe me burg për fatura të papaguara.Ky është dallimi mes një politike që kujdeset për të fortët dhe një angazhimi që mbron më të pambrojturit”, shkruan Aga, teksa publikon videon më poshtë:
Aga ka denoncuar neglizhencën e qeverisë ndaj banorëve të fshatit të cilët shpesh herë ngelin pa ujë dhe energji elektrike.
“Mjafton një erë e lehtë dhe fshati Farvesh mbetet pa energji për shumër orë e ditë. Terri do marrë fund. Dëgjova edhe sakrificën e prindërve për fëmijë me aftësi ndryshe. U fola për paketën e dhimbshurisë dhe mbështetjen për këtë shtresë të vuajtur të shoqërisë. Shpresa ka një datë…11 Majin”, shkruan Ethem Aga.
