Banorët e fshatit Hotolisht të Librazhdit kanë dalë sërish ditën e sotme në protestë, ku kundërshtojnë projektin e rrugës Elbasan-Qafë Thanë. Ata kërkojnë ndërtimin e një tuneli, pasi projekti aktual ja u ndan fshatin në dy pjesë dhe iu shemb rreth 30 shtëpi.
Një banor u shpreh i revoltuar se ka punuar gjithë jetën në emigrim për të ndërtuar atë shtëpi, të cilën tani do t’ia shembë shteti. Ai paralajmëroi se do ta mbrojë banesën e tij me çfarë do lloj mënyre dhe nëse nuk ka reagim nga institucionet do të shkojë deri në vrasje.
Ai “shpërtheu edhe ndaj ministres Belinda Balluku, e cila sipas tij, veç i mashtron duke iu thënë se do të shkojë që t’i takojë, por nuk e ka bërë një gjë të tillë. Banorët mblodhën mbi 500 firma të cilat i depozituan në ministri dhe më pas ishte vetë Belinda Balluku, ajo e cila u kishte kërkuar një takim, por pasi ata e pritën mbi 3 orë, ajo nuk u shkoi.
“Thuaj ministrit nuk e zbatoj urdhrin se është urdhër kriminal, nuk është urdhër njerëzor. Ky është krim që bëni, të më nxjerrësh nga shtëpia, nje jetë të tërë more më është shkërdh*er nona në Greqi dhe rrugëve të botës për të bërë atë shtëpi t’i më thua dil përjashta tani se do ta shemb unë. Kush je ti more pis. Jo do ta mbroj, por në çdo lloj mënyre, deri në vrasje do shkoj. Kam nitrat e kam ure, çdo lloj bombe kam për të bërë, se vetëm ekzekutimi na ka ngel në dorë.
Deri më tani asnjë lloj përgjigje. Na mashtron ajo k*rva e m*tit do vij sot e do vij nesër, asnjëherë nuk vjen. Ne nuk kemi çfarë të humbim më. Do bëjmë cdo bombë rrethanore që mundemi. Nuk kemi rrugë tjetër. Kërko gjithandej, më gjej një rast të tillë në botë, të prishet një fshat i tërë që të kalojë rruga. Çfare është kjo. As Enver Hoxha nuk i ka bërë këto. Cili e bën këtë?! Të sjellin projektin këtu. Asgjë nuk na sjellin që ta shohim. Ku kalon, si bëhet. Fare”, u shpreh një prej protestuesve.
Ai vijoi duke akuzuar se qeveria do të presë “të marrë zgjedhjet” dhe më pas do të ndërmarrë akte më të rënda ndaj largimit të tyre nga banesat.
“Presin të marrin zgjedhjet dhe të hedhin gazin lotsjellës që të na nxjerrin nga shtëpitë. Sa të mbarojnë shtëpitë, do vijnë këta me shkopa gome dhe gaz lotjsellës”, u shpreh ai.
