Analisti Andi Bushati, i ftuar në emisionin “Të Paekspozuarit” në MCN TV, e ka quajtur “të fëlliqur” lobimin 6 milionë dollarë të Partisë Demokratike në SHBA, por deklaroi se edhe ky lobim i fëlliqur, qoftë edhe me para të pista, ia vlen nëse zhbëhet lobimi i mazhorancës për të persekutuar opozitën.
“Unë hyj te ata që nuk e besoj këtë fabul, që dalin disa vetë dhe thonë do japim 750 mijë euro për PD dhe pastaj do paguajmë 250 mijë euro çdo muaj. Ç’janë këto parti që ngrenë shuma kaq të mëdha parash? Por problemi është, do e krahasojmë PD dhe Sali Berishën me Redin, Arlindin dhe Lëvizjen Bashkë, apo do ti krahasojmë me kundërshtarin që kanë përballë? Pika që nuk bie dakord, nuk është problemi i Shqipërisë problemi i Berishës, por them se problemi i Berishës është edhe problemi i Shqipërisë. Në një vend ku pushteti lobon për të shpallur liderin e opozitës non-grata ka problem. Ku pushteti paguan McGonigal për të thënë se opozita është e kapur nga rusët. Tani përballë kësaj si do përgjigjen? Nuk pres që PD dhe LSI, tre bandat e famshme që thotë Lubonja, njëra të sillet si virgjëreshë dhe të tjerët si banditë. Ky është kodi i bandave.
Probelmi është që u ngritën banditët dhe thonë kapni hajdutin. Kjo që po bën PD është kundër reagim ndaj dëmit që i ka bërë Rama dhe Rilindja.
Kemi një problem se çfarë transparence kemi për paratë. E dyta, është më mirë apo më keq që paguhen para të pista për të mos lënë në Washington vetëm versionin e Edi Ramës. Për 12 vite mbizotëronte vetëm versioni i Ramës.
Në Shqipëri, administrate e kaluar është sjellë si një bandë më keq seç u soll në Kili. Këtë bandë e shfrytëzoi Rama. Tani ti themi PD mos e shfrytëzo bandën tjetër?
Është lojë partish, rivalitet bandash. Po e shtrove nga interesi publik, a ia vlen që qoftë edhe me para të pista, të ndalojmë precedentë si i asaj ruspies që thoshte do hanë bar po u votua non-grata. Kemi parë ruspie (Yuri Kim)… Një lobim edhe i fëlliqur ia vlen edhe për të ndalur precedente më të fëlliqura se ky. Këtu mendoj se çdo njeri që nuk është militant partie duhet të jetë i kënaqur”, tha Bushati.
