Tre persona janë arrestuar të dyshuar për krime lufte kundër civilëve gjatë viteve 1998-1999. Arrestimet kanë ardhur pas një periudhe të gjatë hetimore. Autoritetet policore kanë lokalizuar dhe arrestuar fillimisht dy të dyshuar në qytetin e Lipjanit, në dy lokacione të ndara.
Në vazhdën e operacionit, është arrestuar edhe i dyshuari i tretë në qytetin e Prishtinës. Të dyshuarit akuzohen për përfshirje në krime lufte kundër civilëve, konkretisht për keqtrajtim, rrahje dhe torturim fizik e psikik të të ndaluarve shqiptarë gjatë periudhës së luftës. Ata gjatë kësaj periudhe shërbenin si gardianë dhe zyrtarë në Burgun e Prishtinës dhe Qendrën Korrektuese të Lipjanit.
“Komuna e Prishtinës dhe Lipjanit / 1998-1999. Lidhur me rastin pas intervistimit me aktvendim të prokurorit të Prokurorisë Speciale tre të dyshuarit dërgohen në qendër të ndalimit për 48 orë”, thuhet në njoftim.
