Sekretari i Përgjithshëm i “Shqipëria Bëhet”, Elton Laska ka komentuar shkatërrimin e vendit gjatë 12 vite qeverisje socialiste.
Laska bën me dije se Rama detyroi gratë e administratës në Kurbin, Lezhë e Mirditë të merrnin pjesë në shoun e tij, ku fyente burrat, vëllezërit dhe djemtë e tyre.
“Zoti Rama, gratë shqiptare i mbylle në kapanone kanabisi dhe fëmijët ua dëboje në emigrim!
Kryeministri i vendit, qeveria e të cilit mbylli fasoneritë nga jugu në veri, që gratë të punësoheshin në parcela kanabisi, sot detyroi gratat e administratës në Kurbin, Lezhë e Mirditë të merrnin pjesë në shoun e tij, ku fyente burrat, vëllezërit dhe djemtë e tyre.
Edi Rama është njeriu që ngre shampanjë 33 mijë euro me koordinatorët e krimit, në një kohë kur djemtë e Lezhës, Kurbinit dhe Mirditës dergjen burgjeve për projektin e tij të kanabizimit, ose kanë marrë gomonet drejt Anglisë. Sot, në turin e takimeve, ai heshti për krimet e tij.
Mbrëmë, në Pllanë, u shënua një krim, në një kohë kur, nën qeverinë e tij, në Lezhë vrasjet në dyert e komisariatit janë kthyer në normalitet, ndërsa si zgjidhje ai ka vendosur mbylljen e gjykatave.
Edi Rama, në 12 vite, nuk e fshehu kurrë përçmimin për Lezhën, së cilës si “investime” i solli vetëm fasada dhe kanabis.
Ftoj socialistët e ndershëm të Lezhës, Mirditës dhe Kurbinit tim që, më 11 maj, ta ndëshkojnë me votë këtë njeri, i cili në 12 vite ka nxitur vetëm krim, eksod dhe mjerim”, tha Elton Laska.
