Për Aleksandër Vuçiç dhe Serbinë me sa duket është koha që të paguajnë një çmim të madh për shkak të aleancës dhe mbështetjes ndaj Rusisë. Media Britanike The Telegraph shkruan se Serbisë mund ti bllokohet procesi për anëtarësim në Bashkimin Europian në rast se Aleksandër Vuçiç do të udhëtojë drejt Moskës për të marrë pjesë në Paradën e Fitores që do të realizohet në 9 maj në Rusi.
Zyrtarët Europian kanë paralajmëruar publikisht se një lëvizje e tillë nga Vuçiç do të tregonte distancimin e Serbisë në ambiciet e saj për anëtarësim në Bashkim Europian dhe mbi të gjitha do të thyente kriteret e Brukselit.
Ministri I Punëve të Jashmte të Estonisë deklaroi këtë javë se Serbia dhe lideri I saj duhet të kuptojë se çdo vendim vjen me Kosoto. Jonatan Vseviov tha se është koha që tashmë të shihet nëse Serbia është në skuadrën e Bashkimit Europian apo në Skuadrën e Rusisë.
Edhe Kaja Kallas, përfaqësuesja e lartë e Bashkimit Europian për Politikë të Jashtme deklaroi këtë të hënë pas takimit të ministrave të jashtëm të Unionit se Europa nuk do ta marrë lehtë një lëvizje të tillë, ndaj çdo Lideri që zgjedh të vizitoj Moskën në 9 maj.
Prej vitesh Beogradi zyrtar është munduar të mbajë marrdhënie të mira si me Bruskelin ashtu edhe me Moskën. Serbia ka aplikuar për tu anëtarësuar në Bashkimin Europian në vitin 2009 dhe mori statusin e vendit kandidat në vitin 2012. Negociatat për anëtarësimine e Serbisë në Bashkimin Europian kanë mbetur pezullur për shkak se Beogradi nuk ka pranuar të sanksionojë Rusinë për nisjen e luftës në Ukrainë. Ky mos kordinim I politikës së jashtme me Bashkimin Europian I ka sjellë pasoja Serbisë. Rusia nga ana tjetër është pronare e të vetmes rafineri nafte në Serbi të cilën ka refuzuar ta shesë. Kjo lëvizje e Moskës e ka lënë Beogradin Zyrtar të varur nga Moska sa I përket stabilitetit Ekonomik. Bashkimi Europian ka paralajmëruar kundër vizitave në Moskë për Paradën e Fitores në 9 maj jo vetem lideret e vendeve kandidate por edhe lideret të gjithë vendet anëtare të Unionit.
