Gjykata e Lartë e Mbretërisë së Bashkuar vendosi këtë të mërkurë në një vendim historik se të qënurit grua, përcaktohet ligjërisht vetëm nga seksi biologjik bazuar edhe në ligjin për barazinë.
Vendimi shënoi kulmin e një beteje ligjore ndërsa Gjykata mbajti anët e fushatës së ngritur nga grupi For Woman Scotland , grup ky i cili ngriti një çështje kundër qeverisë skoceze duke argumentuar se mbrojtja ligjore e bazuar në seksin e një personi, duhet të zbatohet vetëm për ata që kanë lindur femra.
Gjykatësi Lord Hadge tha se vendimi nuk duhet parë si një triumpf I njërës pale mbi tjetrën ndërsa theksoi se ligji iu jep ende mbrojte kundër diskriminimit personave transgjinorë.
Qeveria Skoceze argumentonte në Gjykatë se Personat transgjinorë të cilvt kanë një njohje ligjore në ndryshimin e gjinisë së tyre duhet të mbrohehshin dhe trajtoheshin nga ligji sikurse të ishin gra të lindura me këtë gjini biologjikisht.
Mosmarrëveshja ligjore që mori fund këtë të mërkurë nisi në vitin 2018 kur Parlamenti Skocez miratoi një projektligj të krijuar për të siuruar ekuilibrin gjinor në bordet e sektorit publik. Grupi For Women Scotland u ankua se ministrant kishin përfshirë transgjinorët si pjesë e kuotave në atë ligj, ne një kohë kur sipas tyre dicka e tillë nuk do duhej të ishte kështu.
Aktivistët që ngritën çështjen kundër qeverisë Skoceze u përqafuan me njëri tjetrin pas dhënies së venditmit nga Gjykata e Mbretësisë së Bashkuar ndërsa u shfaqën të përlotur.
