Laçi ka pësuar një goditje të rëndë në shtëpi, duke u mundur nga Skënderbeu me rezultatin 2-1 në ndeshjen e javës së 33-të të “Abissnet Superiore”.
Skuadra korçare arriti të zhbllokojë sfidën në minutën e 19-të me anë të Bismark, që arriti të kompletojë dopietën personale në minutën e 82-të.
Goli i Kordeiro në minutën e 39-të, i cili vendosi barazpeshën momentale, ishte i pamjaftueshëm për kurbinasit në përfundim të ndeshjes.
Me këtë fitore skuadra korçare ngjitet në kuotën e 36 pikëve, momentalisht në vendin e 6-të në klasifikim. Situatë e vështirë për Laçin, në vendin e parafundit me 33 pikë.
