Policia e Krujës ka arrestuar një person të shpallur në kërkim në kuadër të operacionit të koduar “Formacioni”, ku u godit një grup kriminal i dyshuar për disa vjedhje në Fushë Krujë. Në pranga është vënë shtetasi Leonard Koleci, 33 vjeç, banues në Kamzë.
Në fazën e parë të operacionit të ekzekutuar dy ditë më parë, Aleksandër Bushgjokaj, 24 vjeç, Gani Lamaj, 33 vjeç dhe Kriste Bushgjokaj, 29 vjeç, po ashtu të tre banues në Kamzë. Ndërkohë, si pjesë e këtij grupi kriminal ka qenë dhe shtetasi Admiral Rama, i arrestuar më herët nga Policia për vjedhje.
Ndërkohë, vijojnë të jenë ende në kërkim shtetasit e shpallur në kërkim: G. V., 22 vjeç dhe F. B. (D.), 33 vjeç, po ashtu banues në Kamzë.
Sipas autyoriteteve policore, grupi i përbërë nga 7 hajdutë nga Kamza, në bashkëpunim me njëri-tjerin, kanë vjedhur në 2 biznese në Fushë Krujë, më datat 27 dhe 28 mars 2025. Më konkretisht:
• Më datë 27.03.2025, të 7 shtetasit, në bashkëpunim me njëri-tjetrin, kanë vjedhur 16 000 lekë në një subjekt për transferta parash;
• Më datë 28.03.2025, 6 prej këtyre shtetasve kanë vjedhur 21 celularë në një dyqan.
Policia thotë se po punohet për kapjen e 2 shtetasve të tjerë të shpallur në kërkim, si dhe për zbardhjen e vjedhjeve të tjera që mund të kenë kryer këta shtetas.
Materialet procedurale i janë referuar Prokurorisë së Tiranës, për veprime të mëtejshme.
