Sali Berisha ka akuzuar se personazhi “Ols” që permendet nga Altin Hajri në bisedat e “Sky Ecc” me Jurgis Çyrbjan nuk është as kryeprokurori Olsian Çela dhe as prokurori i SPAK Ols Dado, por ministri i Drejtësisë, Ulsi Manja.
Në bisedat e “Sky Ecc”, Altin Hajri shprehet shumë falenederues ndaj personazhit “Ols” për ndihmën e madhe që i ka dhënë për kunatin e arrestuar, dhe kërkon nga Jurgis Çyrbja masat trupore për personin e quajtur “Ols” që t’i qepë dy kostume.
Berisha këtë akuzë e bëri, teksa po komentonte përgjimet në burg të Erion Veliajt dhe akuzat e tij ndaj Ulsi Manjës. Sipas liderit demokrat, nga përgjjimet, , del mirëfilltas një shpellë intrigantësh, njerëz të inkriminuar që i fusin thika njëri-tjetrit.
Sali Berisha: Së pari, nga publikimet e tij, del mirëfilltas një shpellë intrigantësh, njerëz të inkriminuar që i fusin thika njëri-tjetrit. Tani, që Erion Veliaj është aty ku është, për krimet e rënda, kjo nuk ka diskutim. Por Erion Veliaj duhet të jetë me organizatë kriminale, familjare dhe bashkiake, të dyja. I ka të dyja. Por që me Erion Veliajn, t’i organizohen kurthe nga ministra, kjo është makbethiane, pak ët themi por është makbethiane. Lëre që e regjistrojnë nga të gjitha anët, dhe pastaj Uluziu… a e morët vesh ju kush është Olsi? Olsi është Uluziu… absolutisht.
Olsi i Altin Hajrit, i dy kostumeve, merrja pak masën, ai e bëri punën mirë, prandaj merrja masën për dy kostume. Tani, burime 100 përqind të sigurta më informojnë se nuk bëhet fjalë as për Olsi Çelës, as për Olsi Dadon, por për Uluziun. Kështu që komentet e mia për përgjimet e Erion Veliajt dhe mesazhet e tij tregojnë se kemi të bëjmë me një grup mafioz me pushtet që nuk kanë asnjë rregull, asnjë ligj, asnjë normë.
