Ditën e sotme ishte planifikuar të mbahej seanca e radhës me dëshmitë e të penduarit të drejtësisë Nuredin Dumani, i cili iu përgjigjet pyetjeve të avokatëve të të pandehurve të tjerë të dosjes “Plumbi i Artë”.
Por, seanca është shtyrë për shkak se mungonte avokati i të pandehurit Henrik Hoxhaj, ndërsa mbrojtësi ligjor i caktuar për të kërkoi kohë për përgatitjen e pyetjeve.
Seanca e radhës është caktuar për t’u zhvilluar në datën 8 prill.
Nuredin Dumani u kthye në një të penduar të SPAK, ku zbardhi shumë ngjarje kriminale, pjesa më e madhe prej tyre në Elbasan dhe në shumë ngjarje ka marrë pjesë edhe vetë. Por, gjatë seancave në GJKKO, shumë të pandehur e kanë etiketuar si mashtrues dhe se në shumë prej krimeve ka deformuar të vërtetat për të shmangur përgjegjësitë nga vetja.
