Votimi për primaret e Partisë Demokratike ishte pjesë e diskutimit në ‘Top Story’.
Sipas analistit Arjan Curri motoja ishte ‘mbush kutitë ose largohu’, por kjo u kundërshtua ashpër nga fituesit e primareve të cilët ishin në panel.
Pjesë nga debati në studio:
Genti Çela, fitues primare në qarkun Korçë: Nuk kam kërkuar me dashje asnjë votë. Në Korçë kam marrë vetëm një votë
Analisti Arjan Curri: Keni mbushur kutitë në fshatra o zotëri. Këtu keni mbushur kutitë, parimi mbush kutitë ose largohu
Lisandër Hoxha, fitues në primare të PD: Lexoje mirë. Po të marr Tiranën, Kamza ka më shumë demokratë sesa njësia 4 në Tiranë
Curri: Një profesor nuk mbështetet në qytetin e vet më vjen të dyshoj. Edhe në Tiranë është bërë loja nga zona në zonë. Profeti nuk është nderuar në vendin e vet
Hoxha: Njeriu që kandidon në qark, do marrë vota kudo. Më të votuarit kanë marrë votat në qytetin ku aderon
Aulon Kalaja: Je i painformuar o Curri, ke ardhur pa përgatitur. The gënjeshtër
Curri: Gënjeshtar ti
Kalaja: Mos më thuaj gënjeshtar se kam kaluar si puna jote
Curri: Po ti nuk ke filluar akoma
Kalaja: Nuk po më le të flas. Nuk po më le të sqaroj. A do themi barsoleta tani?
