Ish-kryeministri Sali Berisha gjatë deklaratës për mediat është ndalur te dëgjesa që Grupit Parlamentar i Partisë Socialiste zhvilloi mëngjesin e kësaj të mërkure me rektorin e Universitet Bujqësor të Tiranës, Fatbardh Sallaku.
Duke e cilësuar si të “turpshme” seancën e mbajtur këtë të mërkurë, Berisha kërkoi që kryeministri Edi Rama dhe të “vetët” të lënë drejtësinë të bëjë punën e vet.
Ndër të tjera, gjatë fjalës së tij, lideri i demokratëve paralajmëroi publikisht kryeministrin Edi Rama se nëse nuk tërhiqet nga akuzat dhe sulmet nda institucioneve të drejtësisë, atëherë opozita do t’i zbarkojë në banesën e tij në Surrel.
“Këta mos kujtojnë kurrë se mund të kryejnë qoftë dhe veprimin më të vogël me mbështetje të opozitës. E kundërta është e paralajmëroj Edi Ramën se nëse ia lejon vetes të rrethojë institucionet, Surreli do ti rrethohet.
Do ti rethohet Surreli. Nuk mund të ketë akte triumf të Escobarit si ndodhi në vitet 80 ë në Kolumbi. Jo. Ndaj dhe uroj që të mos lëshojë mendje se do ta gjejë Surrelin të rrethuar. Lërja ato, janë procese, reforma. Po përpiqesh ti me ta shndërosh GP në rifuxhio të hajdutëve. E tregoi sot veten me seancën që dëgjoi imagjinoni ju hajdutët më të mëdhenj bëhen gjykatës.
Ajo ishte seanca më e turpshme. Ndaj dhe këto janë qëndrimet tona dhe do të vijojnë të jenë, zero tolerancë ndaj krimit dhe korrupsionit dhe një program i shkëlqyer për shqiptarët Edi Rama të garantoj se pas datës 11 maj do të ekstradohesh në SHBA për tu rigjykuar me MC Gonigal. Ky është zotimi im, ynë përndryshe mund të gjykohesh edhe në Shqipëria para 11 majit”, tha ai.
