Janë zbardhur detaje të reja nga goditja e grupit të shpërndarësve të drogës në Tiranë, ku janë lëshuar 34 urdhër-arreste, prej të cilave u ekzekutuan 27 prej tyre ndërsa 7 të tjerë u shpallën në kërkim.
Burime zyrtare konfirmojnë se një prej të shpallurve në kërkim është arrestuar në Tepelenë, ku bëhet fjalë për 27-vjeçarin me inicialet G.G. i cili akuzohet për veprën penale “Prodhimi dhe shitja e narkotikëve”.
Bashkë me të, numri i të prangosurve ka shkuar në 28 “spaçiatorë”, teksa nga veprimet hetimore ka rezultuar se ata shpërndanin lëndën narkotike në lagje, lokale e në afërsi të shkollave në qytetin e Tiranës.
Gjatë këtij procedimi, në faza të ndryshme janë sekuestruar drogëra të llojeve të ndryshme më konkretisht 3.4 kilogramë kokainë, 150 doza heroine, 500 doza ekstazi dhe 12 kg kanabis sativa.
Burime për mediat bëjnë me dije se një pjesë e të arrestuarve janë taksistë, të cilët kamufloheshin me këtë profesion për të shpërndarë lëndë narkotike. DFroga, po ashtu shërndahej edhe me skuter elektrikë, si mënyrë e shpejt për të mos u identifikuar nga organet e Policisë.
Burime bëjnë me dije se një dozë kokainë 0.8 gram e shisnin 7 ose 8 mijë Lekë të reja, ndërsa doza më të vogla, 0.4 gram e shisnin 3500 dhe 4 mijë Lekë. Një dozë heroinë 0.3 gram shitej në vlerë 1 mijë Lekë dhe një qese hasash 500 dhe 1 mijë Lekë. Droga ekstazi kushtonte 1500 dhe 25 mijë Lekë për kokërr.
Kujtojmë se të arrestuarit e tjerë në këtë operacion janë shtetasit: Bosian Lamaj, 28 vjeç, Alsid Nekaj, 27 vjeç, Edmond Gjinarari, 20 vjec, Irakel Gjini, 37 vjeç, Armans Thanasaj, 33 vjeç, Amarildo Kola, 34 vjeç, Bjorn Mazniku, 25 vjeç, Armando Katroshi, 30 vjeç, Aurel Lila, 28 vjeç, Erdi Hyka, 25 vjeç, Mateo Uka, 21 vjeç, Kleo Lika 30 vjeç, Erdi Dibra, 21 vjeç, Klajdi Hysa, 21 vjeç, Aldo Faja, 34 vjeç, Erald Alikaj, 22 vjeç, Fabjol Tahiri, 19 vjeç, Andi Grori, 36 vjeç, Elvis Shehaj, 42 vjeç, Gjergj (Gkergk) Polena, 47 vjeç, Panajot Brahimaj, 26 vjeç, Marjo Pojaku, 25 vjeç, Euxhenjo Manushi, 21 vjeç, Mario Cerra, 25 vjeç, Sadik Rama, 24 vjeç, Klejvis Taku 27 vjeç dhe Arjel Cinaj, 21 vjeç.
Ndërsa në kërkim janë shpallur shtetasit: F. B., 43 vjeç, E. S., 28 vjeç, D. G ., 19 vjeç, K. H., 24 vjeç, M. B., 25 vjeç dhe E. L., 30 vjeç.
Ndërsa më herët, në kuadër të të njëjtit operacion janë arrestuar edhe shtetasit Klaudio Serjani, 26 vjeç, Ergis Noka, 19 vjeç, Drin Vjerdha, 19 vjeç, Kristofor Pandelejmoni, 20 vjeç, Myslym Balliu, 31 vjeç, Kristian Buci, 23 vjeç dhe Xhejson Mukaj, 19 vjeç.
