Kryeministri Edi Rama thotë se kryebashkiaku i Tiranës, Erion Veliaj është i dyshuar dhe jo i pandehur, pasi për të, prokurori nuk ka prova.
Rama shtoi se kryebashkiaku i Tiranës nuk është i pandehur dhe se vetë prokurori ka dyshime të bazuara në prova të pamjaftueshme. Sipas tij pa Edi Ramën dhe Partinë Socialiste nuk ka SPAK. Rama shtoi se Berisha bën thirrje që ti japin votën për të shkrirë SPAK.
“Studioni historinë, ishte mendimi i parë për sot. Jeni të sigurt nëse e dini ndryshimin mes të dyshuarit dhe të pandehurit. I dyshuari edhe vetë prokuroria e di që ka mbledhur prova po nuk e ka sigurinë për burgosjen. Kurse i pandehur i ke provat dhe e di që duhet burgosur. Kurse kryebashkiaku i Tiranës e dini që nuk është i pandehur. Vetë prokurori ka dyshime të bazuara në prova të pamjaftueshme. Pa Edi Ramën dhe Partinë Socialiste nuk ka SPAK. Bufi i kënetës e thotë: Më jepni votën të shkri SPAK. Nuk kontestoj une ndonjë provë duke iu vënë kundër SPAK, por është statusi i Erionit si i dyshuar që konteston. Qëndrimi ynë nuk ndryshon” tha Rama.
