Edi Rama ka thirrur në një mbledhje urgjente grupin parlamentar të Partisë Socialiste, ku në fokus të diskutimeve do të jetë arrestimi i kryebashkiakut të Tiranës, Erion Veliaj me urdhër të SPAK.
Deputetët socialistët, të pyetur nga gazetarët në hyrje të Kuvendit janë treguar të rezervuar për të komentuar, teksa disa janë distancuar duke e konsideruar një punë të drejtësisë.
“Nuk kam komentuar vendimet e drejtësisë, por Erion Veliaj ka qenë e do të mbetet mik i mirë i imi” tha Toni Gogu.
“PS nuk ndërhyn në punët e drejtësisë dhe nuk komenton ato” tha Lavdërim Krashi.
Rama pritet t’u japë porosi se çfarë qëndrimi do të mbajnë, pasi priten debate të forta edhe në sallën e Kuvendit.
Kujtojmë se Edi Rama anuloi takimet që kishte në agjendë në Shkodër dhe u nis me urgjencë drejt Tiranës, pas arrestimit të Veliajt.
Arrestimi i Veliajt, a do të mbajë Rama të njëjtin standard si me Fatos Tushen?
