Analisti Enton Abilekaj, deklaroi se tërheqja e fondeve të USAID do të prekë më shumë kontingjentin e afganëve që janë në Shqipëri. Por, sipas tij, mbetet për t’u parë qasja e administratës së re amerikane në raport me drejtësinë e re.
“Ne patëm dhe një rast, atë të qeverisë zvicerane që na hoqi fondet. Tani ajo që dihet është se nuk do të ketë fonde nga USAID.
Nuk ka ndonjë humbje të madhe në projekte. Afganët goditen më shumë. Sa për SPAK do të shohim çfarë qëndrimesh do të mbajë administrata amerikane për investimet e Sorosit në drejtësi për të emëruar gjyqtarë e prokurorë për t’i përdorur kundër kundërshtarëve politikë. Është paralajmëruar që do të ketë një rishikim.
Nuk është se administrata e Trump po merret me fondet në Shqipëri. Është thënë që Soros kudo ku ka shkuar ka ndërhyrë në reformën në drejtësi për ta përdorur atë kundër kundërshtarëve politikë”- tha Abilekaj në emisionin “Të Paekspozuarit” në MCN TV.
