Klajdi Musabelliu është eliminuar nga Big Brother Vip. Ai ishte në nominim me Gjestin, Rozanën dhe G Bani pas një zarfi të zi për të katërt, si pasojë e thyerjes së rregullave.
Pas votimit të publikut, Klajdi ka marrë më pak vota se tre banorët e tjerë me të cilët ishte në këtë nominim.
Pas eliminimit, në studio ai pa shtëpinë e tij të re të transformuar dhe nuk i mbajti dot lotët. Por edhe në këtë rast Klajdi nuk e humbi humorin, teksa me batutë tha: “Jeni të gjithë të mirëpritur, por vetëm Laerti do të flejë aty”.
