Një aksident automobilistik është regjistruar mbrëmjen e kësaj të mërkure në aksin rrugor Lezhë-Laç, në kryqëzimin e Markatomajt.
Nga informacionet paraprake mësohet se dy automjete tip “Fiat” janë përplasur me njëra-tjetrën. Si pasojë e aksidentit ka mbetur e plagosur një grua, pasagjerë në një prej automjeteve, e cila është dërguar në spitalin e Lezhës.
Shkaku i aksidentit dyshohet të ketë qenë lagështira në rrugë dhe mungesa e fushëpamjes si pasojë e reshjeve të shiut.
Policia ndodhet në vendin e ngjarjes dhe po punon për zbardhjen e plotë të rrethanave të aksidentit.
