Katërmbëdhjetë anëtarë të një grupi fetar australian janë dënuar për vrasjen e një vajze tetëvjeçare diabetike, së cilës iu refuzua insulina për gati një javë.
Elizabeth Struhs vdiq në shtëpi në vitin 2022, pasi vuante nga ketoacidoza diabetike, e cila shkakton sheqer të lartë në gjak që mund të çoj në fatalitet.
Gjykata dëgjoi se trajtimi i Elizabetës u ndalua sepse grupi, i njohur si Shenjtorët, kundërshtoi kujdesin mjekësor, duke besuar se Perëndia do ta shëronte atë.
Babai i saj Jason Struhs dhe lideri i grupit Brendan Stevens ishin në gjyq për vrasje, por u dënuan për akuzën më të vogël të vrasjes nga pakujdesia. Dymbëdhjetë anëtarë të tjerë, duke përfshirë nënën dhe vëllain e Elizabeth, u dënuan gjithashtu për vrasje. Të gjithë ishin deklaruar të pafajshëm.
Kur dha vendimin e tij prej gati 500 faqesh të mërkurën, gjykatësi Martin Burns tha se ndonëse ishte e qartë se prindërit e Elizabeth dhe “çdo anëtar i kishës duke përfshirë të gjithë të akuzuarit e tjerë” e kishin adhuruar atë, veprimet e tyre kishin rezultuar në vdekjen e saj.
“Nuk mund të vihet në dyshim se Elizabeth kujdesej me dashuri pothuajse në çdo mënyrë”, tha ai.
“Sidoqoftë, për shkak të një besimi të veçantë në fuqinë shëruese të Zotit… ajo u privua nga e vetmja gjë që me siguri do ta kishte mbajtur gjallë.”
Shenjtorët nuk janë të lidhur me një kishë të themeluar në Australi dhe kanë afërsisht dy duzina anëtarë nga tre familje.
