Partizani dhe Dinamo barazuan 1-1 mes tyre, në derbin e kryeqytetit në stadiumin “Arena e Demave”.
Itodo Mandela zhbllokoi rezultatin në minutën 50-të, duke i dhënë avantazhin dinamovitëve. Skuadra e Dajës e ruajti këtë avantazh deri në minutën e 90-të, kur u barazua nga Bintsouka.
Sulmuesi i të kuqve shfrytëzoi një krosim dhe me kokë e ndali topin në rrjetë.
Me këtë barazim, Partizani mban kryesimin me 38 pikë, po aq sa edhe Dinamo e vendit të dytë.
Në sfidën tjetër Skënderbeu ka marrë një fitore karakteri duke përmbysur 2-1 Teutën në takimin e zhvilluar në stadiumin e Korçës. Fillimisht ishin miqtë durrsakë që shënuan, por “ujqërit e dëborës” përmbysën gjithçka me golat e Bismark Charles (38′) dhe Ermir Rashicës (80′).
Një fitore me vuajtje që ringjall shanset e korçarëve për mbijetesën në Superiore. Tashmë Skënderbeu ka 19 pikë të mbledhura, katër pikë më pak se Teuta që u mposht sot.
