Teuta ka arritur të marrë një fitore minimale 1-0 përballë Bylisit, të luajtur në stadiumin “Niko Dovana”, e vlefshme për javën e 6-të të Kategorisë Superiore.
Ndeshja u vendos nga një episod në fraksionin e dytë të lojës, kur në minutën e ’63 të takimit, një gjuajte e Wotlait, u devijua nga mbrojtësi ballshiot Marin Abazaj dhe përfundoi në rrjetë. Ky i fundit pretendoi për faull gjatë aksionit, por VAR e konsideroi golin e rrjetur
Ndërkohë, më pas, Walisson u ndal nga tranversa duke mos gjetur dot golin e barazimit. Pjesa tjetër e ndeshjes ishte shumë luftë në mesfushë e pak raste para portave, me Teutën që në fund iu gëzua këtyre tre pikëve të arta për klasifikimin.
Pas kësaj fitoreje, Teuta renditet në vendin e katërt me 10 pikë, 3 më pak se Vllaznia dhe Egnatia kryesuese. Durrsakët janë skuadra e vetme në Superiore, që pas gjashtë javëve nuk ka asnjë humbje. Bregdetarët numërojnë dy fitore dhe katër barazime.
Ndërkohë, Bylisi renditet në vend të shtatë me 6 pikë pas 6 ndeshje.
