Newcastle ka mundur 2-1 Tottenham-in në transfertë dhe ka marrë fitoren e pestë radhazi në Premier League.
Një fitore me përmbysje për Magpies, duke parë se Spurs kanë kaluar në avantazh pas vetëm katër minutash lojë me Solanke-n.
Festa e vendasve ka zgjatur pak sepse miqtë kanë arritur të barazojnë dy minuta më vonë nga Gordon.
Në minutën e 38-të ka ardhur edhe goli që ka vendosur ndeshjen i shënuar nga Isak, i cili i ka dhuruar tri pikë shumë të rëndësishme Newcastle.
TOTTENHAM-NEWCASTLE 1-2 – GOLAT – VIDEO
Me këtë rezultat, bardhezinjtë kanë kapur përkohësisht Chelsea-n në vendin e katërt të renditjes me 35 pikë.
