Gazetari dhe analisti Bushati, ka paralajmëruar se situata politike që po ndodh në Rumani, mund të përsëritet së shpejti në vendin tonë.
Bushati shkruan se edhe pse ish kryeministri Marcel Ciolacu, kandidoi për president dhe humbi, Gjykata Kushtetuese, anulloi zgjedhjet presidenciale, me alibinë se po fitonte një kandidat pro rus zgjedhjet. Ndërsa në fund Marcel Ciolacu u rizgjodh kryeministër.
“Pra, ç’rëndësi ka çfarë votojnë njerëzit, rëndësi ka që të kesh bërë reformë në drejtësi, euro atlantike”, ironizion në fund gazetari.
Postimi i plotë i Bushatit:
Ajo që po ndodh në Rumani, është një skenar paralajmërues për çka mund të na ngjajë një ditë edhe ne.
Kandidati i social demokratëve, ish kryeministri Marcel Ciolacu, që kandidoi për president, u refuzua nga populli dhe nuk kaloi as në turn te dytë, në balotazh.
Në panik Gjykata Kushtetuese, anulloi zgjedhjet presidenciale, pa prova evidente, por me alibinë se po fitonte një kandidat pro rus. Dhe falë kësaj, Marcel Ciolacu, që personalisht qytetarët e dogjën me votë dhe partia e të cilit ka vetëm 20% u rizgjodh kryeminister.
Pra, ç’rëndësi ka çfarë votojnë njerëzit, rëndësi ka që të kesh bërë reformë në drejtësi, euro atlantike.
