Policia e Tiranës ka dalë me një komunikatë për mediat në lidhje me protestën e zhvilluuar pasditen e djeshme nga opozita, ku u bllokuan për rreth 3 orës pesë rrugë kryesore në kryeqytet.
Autoritetet policore bëjnë me dije se kanë arrestuar 7 protestues, si dhe kanë vënë nën hetim 21 të tjerë, të cilët akuzohen për veprat penale “Pengimi i qarkullimit të mjeteve të transportit”, “Kundërshtimi i punonjësit të policisë së rendit publik” dhe “Organizimi dhe pjesëmarrja në grumbullime e manifestime të paligjshme”.
Në pranga janë vënë shtetasit: R. B., 27 vjeç, A. H., 21 vjeç, J. Ç., 27 vjeç, A. C., 25 vjeç, G. S., 55 vjeç, V. Gj., 59 vjeç dhe Ç. K., 31 vjeç, të cilët sipas bluve të kryeqytetit kanë kryer paligjshmëri gjatë tubimeve.
Gjithashtu, Policia e Tiranës ka vënë nën hetim dhe 40 deputetë dhe zyrtarë të partive opozitare në vend, më konkretisht shtetasit: F. N., A. Q., Ç. Gj., I. K., A. M., Xh. M., T. A., A. P., E. E., L. H., I. K., S. J., A. K., A. V., O. B., F. H., A. U., P. D., A. Gj., E. H., L. M., R. L., G. S., D. M., Sh. M., A. M., A. M., A. K., A. A., M. G., A. H., T. B., A. P., G. B., L. B., F. M., L. G., S. K., E. Xh. dhe I. Zh.
Mbi ta rëndojnë akuzat për veprat penale “Pengimi i qarkullimit të mjeteve të transportit”, “Organizimi dhe pjesmarrja në grumbullime e manifestime të paligjshme”, “Mosbindja ndaj urdhrave të punonjësit të rendit publik”, “Prishja e rendit dhe e qetësisë publike” dhe “Kundërshtimi i punonjësit të policisë së rendit publik”.
“Nga hetimet e deritanishme rezulton se gjatë tubimeve të organizuara ditën e djeshme, deputetë ose përfaqësues të subjekteve politike Partia Demokratike e Shqipërisë, Partia Republikane dhe Partia e Lirisë iu kanë bërë thirrje tubuesve, që së bashku me ta, të bllokonin akset rrugore, në mënyrë që mos të kishte lëvizje të mjeteve. Tubuesit kanë kundërshtuar forcërisht punonjësit e Policisë në detyrë, si dhe nuk iu janë bindur urdhrave të tyre, për lirim të akseve rrugore.” – thuhet në njoftimin e Policisë së Tiranës.
Gjithsesi, deri më tani nuk është raportuar asnjë masë ndaj policëve dhunues, ku ushtruan dhunë jo vetëm ndaj protestuesve të thjeshtë, por madje edhe nga deputetëve të Kuvendit të Shqipërisë.
Një prej tyre është rasti që shfaqet në videon e mëposhtme, ku efektivët dhunojnë, shtyjnë dhe tërheqin deputeten e PD-së, Ilda Dhori, e cila duket se nuk kryen asgjë të paligjshme.
Materialet procedurale i kaluan Prokurorisë së Tiranës, për veprime të mëtejshme.
