Një javë pas grabitjes së bizhuterive me vlerë rreth 100 milionë dollarë nga Muzeu i Luvrit në Paris, janë arrestuar dy persona, raporton “Le Parisien”.
Njëri prej tyre u kap në aeroportin “Charles de Gaulle”, në momentin që po përgatitej të hipte në një avion me destinacion Algjerinë.
Sipas mediave franceze, të dy të arrestuarit janë banorë të zonës Seine-Saint-Denis, pranë kryeqytetit, dhe janë të dy rreth 30 vjeç.
Kujtojmë se të dielën e shkuar, 19 tetor, Muzeu njoftoi mbylljen pas grabitjes që u bë kryefjalë e mediave në botë.
U raportua se autorët e maskuar hynë në ndërtesë nga ana e lumit Sena, ku po zhvilloheshin punime ndërtimi. Pasi thyen disa dritare, dy prej tyre u drejtuan drejt Galerisë së Apollonit, ku ekspozohen pjesë të bizhuterive të Kurorës Franceze.
Grabitësit u larguan me nëntë objekte bizhuterie nga koleksioni i Napoleonit dhe Perandoreshës, përfshirë një gjerdan, një brosh dhe një diademë. Një i tretë qëndroi jashtë ndërtesës, sipas Le Parisien.
Grabitja ndodhi mes orës 09:30 dhe 09:40 të 1 jave më parë. Autorët mbërritën me motoçikleta dhe përdorën një shkallë për të arritur përmes ballkonit, në ambientet e brendshme. Ata ishin të pajisur edhe me sharra të vogla elektrike.
