Policia ka arrestuar një 33-vjeçar i cili akuzohet se shpërndante kokainë në qytetin e Burrelit.
Në pranga ra shtetasi me iniciale E.Sh, banues në fshatin Shoshaj të Matit. Gjatë kontrollit në automjetin me të cilin lëvizte ky shtetas, shërbimet e Policisë gjetën dhe sekuestruan një sasi lënde të dyshuar narkotike kokainë, e ndarë në doza gati për shitje, e cila u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
