Scott McTominay, mesfushor i Napolit, ka dhënë një intervistë për edicionin skocez të BBC.
Ai ka folur për vendimin për të lënë Manchester United dhe për t’u transferuar te Napoli për të luajtur në Serinë A. Ai e cilësoi vendimin për tu larguar nga anglezët si të rëndësishëm por që nuk pendohet për zgjedhjen e tij.
“Ishte një vendim i rëndësishëm, por në një farë mënyre edhe mjaft i thjeshtë. Pashë tifozë pasionantë, trajnerin dhe lojtarët, ishte një mundësi dhe e shfrytëzova. Nuk shikoj pas, e dija që ishte ajo që doja dhe nuk kam asnjë pendesë. Kur e vendos diçka, ashtu do të jetë. Asgjë nuk mund të më kthejë prapa.”
McTominay vazhdon: “E dua këtë vend, i dua tifozët dhe shokët e mi të skuadrës. Ka qenë një kënaqësi të ndaja këtë përvojë me Billy Gilmour çdo ditë, ndihmuam shumë njëri-tjetrin. Largimi nga “Old Trafford” ishte një vendim imi, i klubit dhe i trajnerit. Nuk është e lehtë për një klub të marrë një vendim të tillë për një lojtar që është rritur në akademi.”
McTominay përfundon: “Dita ime e fundit në Manchester ishte e vështirë, sidomos kur m’u desh t’i përshëndesja të gjithë. Por futbolli dhe jeta janë kështu… Pashë më pas me Ten Hag dhe ai shprehu mendimet e tij për situatën. I thashë të më dëgjonte, se ishte karriera ime dhe se isha atje për ta çuar përpara. Duhej të ndiqja instinktin tim dhe të bëja atë që doja për karrierën time, pa lejuar që faktorët e jashtëm të më ndalonin. E dua Manchester United pa masë, ka qenë jeta ime për 22 vjet, por tani shoh përpara dhe te Napoli po e kaloj shumë mirë.”
