Tashmë është zyrtare, Luis Hasa do të veshë fanellën e Carrareses në Serinë B në këtë edicion.
Mesfushori i talentuar ofensiv, nuk ishte pjesë e planeve të trajnerit Antonio Conte te Napoli dhe kësisoj ka kërkuar që të gjejë minuta në një skuadër tjetër.
Napoli, i cili e mori në janar nga Lecce, ka vendosur që ta huazojë në Serinë B, ku ai të luajë rregullisht.
Palët kanë zyrtarizuar sot pasdite marrëveshjen, e cila nuk parashikon klauzola për blerjen e kartonit të tij.
Te Napoli mendojnë se lojtari mund të bëjë mirë në radhët e kësaj skuadre, thjesht duhet të mësohet me vazhdimësinë në fushë, ndaj është gjetur kjo zgjidhje që Hasa të zbresë një kategori më poshtë.
