Gazetari Armand Shkullaku deklaron se SPAK nuk ka t*pe të hetojë korrupsionin në nivele të larta dhe vjedhjen e votës. Sipas Shkullakut, këto janë dy kolonat që mbajnë Ramën në pushtet.
Shkullaku shprehet se është denoncuar prej kohësh fakti që bandat punojnë për rilindjen dhe tashmë po vërtetohet.
“Drejtësia merr vendime që nuk janë të drejta. Nuk do të thotë se ti duhet ti përkulesh në çdo rast. E çon në Gjykatë Kushtetuese, e cila si asnjëherë më parë tha, 1/5 e deputetëve që e kërkonte, nuk ka të drejtë, se duhet ta bëjë individi.
Një Gjykatë Kushtetuese kur e kërkon 1/5 e deputetëve që të interpretojë nëse është ajo po, kufizim i lirisë së deputetit, mosdalja jashtë shtetit dhe detyrimi për paraqitje, Gjykata Kushtetuese thotë që ske të drejtë ta kërkosh.
Dhe pas 1 viti, që ai është në arrest, jep vendim që po, marrja e pasaportës nuk është proporcionale. Po për 1 vit ca ke bërë, e ke marrë me urdhër pra, siç ke futur Salianjin në burg, e siç ke bërë me të tjerët.
Kur ju dha vula PD? Pasi mbaruan zgjedhjet dhe kur ishte Berisha në arrest. Tani futën Ilir Metën, futën Salianjin dhe nxorrën Sali Berishën.
Këtu ka ndikim, se është bërë baltë. Pas arrestimit të Ilir Metës, mediat më prestigjioze, kolegët tanë në Europë dhe Amerikë, se ‘drejtësia e re, po përdoret si armë nga Edi Rama, kundër kundështarëve politikë’.
Kjo filloi të etablohet, Gjykata e Strasburgut u vu në lëvizje, rezoluta e partive, u krijua një klimë se ishte skandal. Kudo që raporton, as Bjellorusia nuk e ka këtë bilanc.
Kryetari i partisë më të madhe opozitare në burg, kryetari i partisë së dytë në burg, nënkryetari i grupit parlamentar në burg, bashkia e Himarës në burg.
SPAK nuk ka tope që të hetojë vjedhjen e votave dhe korrupsioni në nivel të lartë. Këto janë dy shtyllat që mbajnë në këmbë Edi Ramën. Çfarë na doli ne, me korrupsionin në bashki dhe qeveri, këto lekë për çfarë kishin shkuar, për fushatë dhe blerje votash.
Kemi thënë që bandat punojnë për rilindjen. Çfarë po na del tani. Gjithë këta njerëz dalin në përgjime“, tha Armand Shkullaku në “Çim Peka Live” në SYRI TV.
