Një zjarr përfshiu magazinën e këpucëve në fshatin Shullaz të Kurbinit mbrëmjen e djeshme. Ekipet zjarrfikëse ndërhynë për të bërë të mundur neutralizimin e flakëve.
Sipas informacioneve nga zjarri janë shkaktuar dëme të konsiderueshme, pasi flakët në magazinë përfshinë gjithçka në mënyrë të shpejtë.
Për më shumë se tre orë disa mjete zjarrfikëse kanë punuar për shuarjen e zjarrin dhe për të mos lejuar flakët të përhapeshin në objekte të tjera.
Ndërkohë sipas informacioneve grupi hetimor ka grumbulluar prova për të zbardhur shkaqet e rënies së zjarrit.
