Një ngjarje e rëndë ka ndodhur mëngjesin e sotëm në Durrës.
Rreth orës 08:00, në një nga ambientet e magazinave të një subjekti me administrator shtetasin S. M., në zonën e Fllakës, Sektor Rinia, ka shpërthyer zjarr.
Sipas të dhënave paraprake, zjarri ka rënë në ambientin ku gatuhej për punonjësit dhe dyshohet se është shkaktuar nga një bombul gazi.
Si pasojë e flakëve, ka ndërruar jetë, dyshohet nga asfiksia, shtetasi O. M., rreth 25 vjeç, me origjinë nga Bangladeshi.
Ndërkohë, një tjetër punonjës, shtetasi Ch. Ch., rreth 30 vjeç, nga Kenia, është transportuar në spital ku po merr ndihmë mjekësore.
Aktualisht, grupi hetimor nën drejtimin e Prokurorisë po punon për sqarimin e ngjarjes.
