Qarkullimi i masave ajrore me origjinë verilindore do të sjellë ulje të menjëhershme të temperaturave në territorin Shqiptar. Përsa i përket motit; zonat e ulëta dhe bregdetare do të dominohen nga vranësira të shpeshta dhe shira me intensitet të ulët, ndërsa zonat malore do të mbizotërohen nga vranësira dhe reshje dëbore; më të theksuara në zonat verilindore; Parashikohet që; pjesa e dytë e ditës dhe në vijim të përmirësojë kushtet atmosferike në vend, por vijojnë temperaturat e ulëta.
Temperaturat e ajrit do të pësojnë rënie të theksuar të tyre duke u luhatur nga -1°C vlera minimale e shënuar në zonat verilindore deri në 14°C vlera maksimale e cila pritet përgjatë vijës bregdetare.
Era do të fryjë mesatare deri e fortë gjatë gjithë ditës duke arritur shpejtësinë maksimale deri në 55 km/h nga drejtimi Verilindor; për pasojë në brigjet detare do të krijohet dallgëzim mbi 3 ballë.
Kosova
Masat ajrore të paqëndrueshme do të vijojnë në të gjithë republikën e Kosovës; ku vranësirat dhe reshjet e dëborës do të jenë prezente përgjatë paradites; Pritet që pas – mesdite dhe në vijim vranësirat dhe reshjet e dëborës të shtohen në të gjithë Kosovën; Problematikë e theksuar do të jenë ngricat në akset rrugore.
Temperaturat e ajrit do të pësojnë RENIE të theksuar si në mëngjes dhe në mesditë duke luhatur vlerat ditore nga -4°C vlera më e ulët në Mitrovicë deri në 8°C vlera më e lartë në qytetin e Prizrenit.
Era do të fryjë mesatare paradite, por forcohet gjatë pasdites duke arritur shpejtësinë maksimale mbi 50 km/h nga drejtimi kryesisht Verilindor.
Maqedonia e Veriut
Masat ajrore me origjinë verilindore do të kushtëzojnë motin edhe në republikën e RMV, ku vranësirat dhe reshjet e dëborës do të jenë dominante gjatë paradites.
Parashikohet që; pasditja dhe mbrëmja të sjellin shtim të reshjeve të dëborës si edhe rënie të mëtejshme të temperaturave në te gjithë territorin e RMV.
Temperaturat e ajrit do të pësojnë rënie të theksuar si në mëngjes dhe në mesditë duke luhatur vlerta ditore nga – 4°C vlera minimale e shënuar në Dibër deri në 10°C vlera maksimale në qytetin e Shkupit.
Era do të fryjë mesatare gjatë paradites, por forcohet në pjesën e dytë të ditës duke arritur shpejtësinë maksimale mbi 50 km/h nga drejtimi permanent Verilindor.
Europa
Ishujt Britanikë; Europa Qendrore si edhe pjesërisht Ballkani do të përfshihen nga masa të ftohta me origjinë polare duke sjellë; stuhi të forta ere dhe reshje dëbore; ku më të theksuara reshjet do të jenë në Britaninë e madhe.
Po ashtu; vendet e Europës Lindore do të jenë nën ndikimin e dy qendrave ciklonare duke kushtëzuar, vranësira dhe reshje të dendura dëbore dhe ngrica të theksuara, ndërsa e gjithë pjesa tjetër e kontinentit të Europës do të jetë nën ndikimin e motit të kthjellët; vranësirave të pakta si edhe temperaturave relativisht të ulëta.
