Deputetja e Partisë Demokratike, Albana Vokshi ka denoncuar ‘rëmbimin’ e dhunshëm të grave protestuese nga Policia për t’i dërguar në Komisariat.
“Këtu janë të shoqëruar 10 protestues, mes tyre 4 zonja. Të gjithë janë marrë në mënyrë të dhunshme, në shkelje të procedurave e ligjit”, tha fillimisht Vokshi.
“Zonjat kanë qenë në protestën e njoftuar sipas ligjit, te sheshi Ëilson. Pasi policia e shpërndau në mënyrë të dhunshme protestën, zonjat po ktheheshin në shtëpi sepse njëra prej tyre ishte me probleme shëndetësore. Furgoni i policisë ka ndaluar dhe një burrë i veshur civil i ka futur në furgon në mënyrë të dhunshme, pa i treguar të drejtat e tyre. Zonjat kanë hematoma”.
Sipas deputetes demokrate, shefi i komisariatit i ka thënë se “zonjat janë ndaluar se kanë bllokuar rrugën, por kjo nuk është e vërtetë se protesta ishte paralajmëruar”.
