Kryeministri Edi Rama në nisje të takimit të tij në Londër, është pritur me protesta nga shqiptarët që jetojnë në Britani.
Protestueset me pankarta në duar bënë thirrje kundër kryeministrit shqiptar, teksa e bëjnë fajtor për largimin e qindra mijërave shqiptarëve nga vendit dhe dhe e akuzojnë për korrupsionin që ka prekur Shqipërinë.
Ata kanë akuzuar Ramën se është braktisur nga shqiptarët që jetojnë dhe punojnë në Britani dhe se ai e ka mbushur sallën me zyrtarë qeveritarë dhe kryebashkiakët e vendit.
“Shqiptarët e vërtetë janë këtu”/ Protestuesit thirrje pjesëmarrësve të takimit të Ramës: Na u bashkohuni
Pak para takimit të kryeministri Edi Rama me diasporën, teksa u bëjnë thirrje edhe pjesëmarrësve në takimin me kreun e qeverisë që t’i bashkohen protestës.
“Ju që rrini në radhë për të takuar kriminelin Rama, nuk jeni shqiptarë. Shqiptarët e vërtetë janë këtu që protestojnë kundër një narkoregjimi. Hajdeni këtu, bashkohuni me shqiptarët!”, ishin disa nga thirrjet e shqiptarëve opozitarë ndaj qeverisë Rama në protestën e organizuar në Londër.
Me pankarta në duar dhe nën masa të rrepta sigurie opozitarët po protestojnë para sallës ku pritet të mbahet takimi i kreut të qeverisë me shqiptarët.
“Poshtë Edi Rama! Rama ik! Hajduta! Rroftë Sali Berisha!” Janë disa nga thirrjet e tjera të protestuesve opozitarë në Londër.
Salla është mbushur me qeveritarë dhe kryebashkiakë
Kryetar i degës së PD për Anglinë Shkelzen Rrustemi, ka deklaruar se në takim nuk ka emigrantë shqiptarë, por vetëm qeveritarë dhe kryebashkiakë.
“Mesazhi duket i qartë. Gjithë ky popull pavarësisht presionit. Ka një javë ditë që e gjithë qeveria është e përqendruar në Londër. Kanë ofruar edhe leke e zarfa për pjesëmarrjen. Gjithe qeveria, gjithë kryetarët e bashkive duke ja filluar nga Kukësi, nga Tropoja, në Lezha, Librazdhi. Gjithë qeveria është këtu. Këta njerëz që janë në takim me Edi Ramën, janë të sjellë. Sepse ky i ka përzënë gjithë këta njerëz. Gjithë njerëzit e gomoneve dhe vjen e bën takim këtë. Nuk e kuptoj. 25 mijë paund kushton vetëm salla. Eskortat që kanë 5 ditë që kanë ardhur. Hotelet kush i paguan. Vetëm policia që është shumë e madhe në numër, dhe shumën do ta paguajë ambasada shqiptare në Londër”, tha ai.
Qytetari: Patronazhistët u bëjnë presion familjeve në Shqipëri
Ndërkohë një nga pjesëmarrësit në këtë protestë, ka folur pak minuta para nisjes së takimit të Ramës, ku tha se patronazhistët po u bëjnë presion familjeve në Shqipëri.
“Qëllimi i kësaj proteste është të tregojë se që kur ka ardhur ne pushtet rilindja Shqipëria është ndarë. Në njërin krah janë demokratët e në tjetrin krah janë patronazhistët.
Patronazhistët e Ramës kanë ardhur dhe po provokojnë protestuesit. Edi Rama vjen këtu dhe ky është një provokim i pastër pasi është ai përgjegjësi kryesor që shqiptarët janë nëpër botë. Ai nuk ka lënë gjë pa bërë e tani ka kaluar edhe në tallje. Shqiptarët këtu janë nën presion. Një miku im me tha e mund të vij me maskë në këtë protestë për arsye se unë kam presione për familjen në Shqipëri me vendet e punës”, tha ai.
“Pjerin Ndreu na ofendoi”/ Protestuesi në Londër: Ndërhyri policia që ai të largohej
Protestuesi Enkelejd Omi u shpreh se kryeministri është turp i shtetit i cili prej vitesh ka detyruar pjesën më të madhe të popullit që të largohet nga vendi i tyre.
Ndër të tjera, ai ka treguar edhe një incident të pakëndshëm që ka ndodhur me kryetarin e Bashkisë së Lezhës Pjerin Ndreu, i cili për të acaruar ata që ishin në protestë ka shkuar duke i ofenduar e është dashur ndërhyrja e policisë që ky i fundit të largohej.
‘Ai person është turpi i të gjithë shqiptarëve edhe çuditem për shumë shqiptarë të cilët kanë ardhur sot këtu edhe kanë hyrë brenda dhe është turp, turp duke ditur vuajtjet e shqiptarëve dhe gjendjen e Shqipërisë momentalisht.
Jam shumë i çuditur që shoh sot disa shqiptarë këtu dhe mund të jenë dikur te 300 veta aktualisht, dhe një pjesë e tyre kanë ardhur nga Shqipëria dhe sillen prej 3 ditësh nëpër rrugët e Londrës.
Patëm një debat me kryetarin e bashkisë Lezhë që erdhi duke acaruar shqiptarët që ishim në protestë dhe erdhi policia e largoi.
Besoj se ka pasur edhe filmime, sepse erdhi deri afër nesh duke na sharë e ofenduar dhe këtu e kuptoj se sa të ultë janë e deri ku kanë arritur’, tha ai.
Protestuesja në Londër: Kur të vdesë Rama do të vij e para në Shqipëri
“Kur të vdesë Edi Rama do të vij e para në Shqipëri”, u shpreh një qytetare shqiptare me banim prej 29 vjetësh në Angli, teksa proteston kundër vizitës së kryeministrit shqiptar në Londër.
“E persekutuar në Shqipëri, më ndoqi të vij në Angli. Kërkon votën time sot. Kam 29 vjet në Angli. Si të gjithë kam ardhur. Me kamion. Jetoj me familjen. Kur të vdesë Edi Rama do vij e para do vij me avion apostafat në vdekjen e Edi Ramës”, tha ajo për A2CNN.
Një tjetër shqiptar i cili prej 2014-ës jeton në Angli ku ka shkuar me kamion, e akuzon kreun e qeverisë shqiptare për largimin e njerëzve nga vendi.
“Jam me dokumente, me shtëpi. Kemi kompani të vogla. Jetojmë të gjithë këtu. Protestojmë kundër Edi Ramës se ka arsye të gjithë njerëzit nga Shqipëria. Në 2014 kam ardhur me kamion”.
Vizita e kryeministrit Rama në Londër është pritur me protesta nga përfaqësuesit e opozitës, para sallës ku do të mbahet takimi me bashkatdhetarët.
Lexo edhe:
