Detaje të reja kanë dal nga atentati i bërë ndaj Klaudio Prendi, më 19 nëntori cili u vra me selenciator sapo hyri në makinën e tij “G Class” dyshohet se kohët e fundit kishte përplasje me persona të tjerë për borxhe.
Burimet meiatike bëjnë me dije se viktima kishte një borxh afro 15 mijë euro. Madje ditët e fundit mësohet se Prendi kishte pasur përplasje pasi nuk kishte kthyer borxhet ku është konfliktuar me grushte me persona të tjerë.
Arma e krimit dyshohet se ishte pistoletë me silenciator. Babai i viktimës ish-gjyqtari Fran Prendi në dëshminë e tij ka thënë që ishte në dijeni që djali i tij kishte konflikte me të tjerë, por jo deri sa të përfundonte në atentat.
Makina luksoze që përdorte viktima nuk ishte në emër të tij, por të një vajzë.
- Publikohen pamjet e atentatit ndaj Klaudio Prendit.
“JOQ ALBANIA” ka siguruar pamjet të atentatit të ndodhur mesnatën e 19 nëntorit në rrugën “Xhanfize Keko” ku mbeti i vrarë 28-vjeçari Klaudio Prendi.
I riu sapo kishte dalë nga një lokal i zonës ku kishte qenë i shoqëruar nga disa miq dhe 2 efektivë të Policisë së Shtetit. Duke hipur në makinën e tij tip “G Class”, parkuar pranë stacionit të autobusit, një mjet tip “Audi” i bardhë i është afruar paralel dhe ka qëlluar 7 herë ndaj tij.
Ka dyshime se autori ka përdorur armë me silenciator pasi të shtënat nuk janë dëgjuar. Sapo kanë parë ngjarjen e rëndë, shokët e 28-vjeçarit kanë dalë me vrap nga lokali për t’i ardhur në ndihmë të riut, ata e hipën në makinë Klaudio Prendin dhe u nisën drejt Spitalit të Traumës, por i riu nuk mundi t’u mbijetonte plagëve të marra.
Pas atentatit autorët janë larguar në drejtim të Farkës ku kanë djegur mjetin, targat e të cilit rezultonin të mbivendosura greke. Klaudio Prendi sapo ishte kthyer nga jashtë shtetit dhe ishte djali i ish-gjyqtarit Fran Prendi.
- Zbardhet dëshmia e dy policëve: Nuk na tregoi se kishte probleme
Është zbardhur dëshmia e dy policëve që ishin në shoqërinë e Klaudio Prendit, pak çaste pasi ky i fundit të ekzekutohej në makinë e tij.
Dy efektivët e policisë kanë deklaruar se ishin me të para se të ndodhte ngjarje, por nuk ishte i shqetësuar dhe nuk ka treguar për ndonjë problem.
Ata kanë treguar se qëndruan së bashku për rreth dy orë në një bar kafe në zonën e Xhamllikut në Tiranë, e më pas kanë lëvizur në drejtime të ndryshme.
“Kur po shkonim te makinat tona, dëgjuam për ngjarjen, nuk pamë asgjë”, kanë deklaruar miqtë e tij.
- Gjendet arma e krimit në “Audin” e atentatorëve
Është gjetur arma e krimit, tip pistolete me silenciator që dyshohet se u përdor për të ekzekutuar Klajdi Prendin, djalin e ish-gjyqtarit, Fran Prendi.
Burimet mediatike bëjnë me dije se arma e krimit u gjet në automjetin tip Audi me të cilën lëvizën atentatorët.
Makina u gjet e djegur në zonën e Farkës, rreth 30 minuta pas atentatit mafioz ndaj 28-vjeçarit.
- Kush ishte Klaudio Prendi, dinamika e atentatit
Klaudio Prendi, djali i ish-gjyqtarit Fran Prendi, u vra me breshëri plumbash, pasi doli nga një lokal ku ndodhej me miqtë në zonën e njohur si ‘Xhamlliku’.
Ngjarja ndodhi pak pas mesnate, rreth orës 00:36 të 19 nëntorit. Autorët, të cilët dyshohet se ishin 3, shoferi, qitësi dhe një person që i ka ndihmuar për t’u larguar, e kanë vëzhguar djalin e ish-gjyqtarit. Ata e kanë pritur të riun, që ishte në lokal me miqtë, derisa doli dhe në momentin që po hipte në makinën e tij e kanë qëlluar me silenciator.
27-vjeçari mori të paktën 5 plumba në trup, dy prej tyre në kokë dhe gjoks që ishin fatale. Shokët e viktimës dalë kanë me vrap nga lokali dhe e kanë nisur Prendin drejt spitalit të Traumës, por ai nuk u mbijetoi dot plagëve.
Pasi kanë qëlluar drejt të riut, shoferi dhe qitësi, janë larguar në drejtim të qendrës dhe mjeti duke u djegur rreth orës 01:05 në Farkë.
Klaudio Prendi nuk është emër i panjohur për blutë, pasi më 6 maj 2023, ai ka qëlluar me armë zjarri në qytetin e Pukës. Për këtë ngjarje i riu ishte shpallur në kërkim, ndërkohë që asokohe raportohet që kishte qëlluar me armë zjarri në ajër nga një makinë mjaft e shtrenjtë ‘Maserati’.
