Analisti Andi Bushati ka komentuar dështimin e sondazhet për zgjedhjet presidenciale në SHBA, të cilat nxorën fituese Harris, ndërsa Trump fitoi me diferencë të madhe votash.
I ftuar në Syri TV, Bushati tha se ky dështim, tregoi se mediat e humbën rolin e tyre primar, atë të dhënies së realitetit për t’i qëndruar sipas tij, një ideologjie të caktuar.
Bushati shfaqet skeptik, në atë që Trump do të ndërmarrë në të ardhmen, duke pasur parasysh që tashmë thuajse ka fituar të gjitha pushtetet, të bëjë korrigjimet e gjithë anomalive të dala nga mediat.
“Ky fjalim i Trump duhet parë në pikturën e madhe se çfarë ndodhi në Amerikë. Të gjithë s’ishim pompuar me sondazhet që janë aty aty. NYT fliste për erën e Kamala Harris. Gjithë kjo, tregoi në Amerikë për një dështim të një sistemi të tërë mediatik, të një kasti që e humbasin rolin e tyre primar për të dhënë realitetin dhe për t’i qëndruar një ideologjie të caktuar.
U mbars një fenomen që nuk ekzistonte në realitet. Kjo ka një anomali të madhe që shpjegohet me votën në Amerikë. Askush s’e parashikoi atë që treguan sondazhet. Kur konstaton sëmundjen e Amerikës, që është edhe e perëndimit, Trump ka të drejtë.
Frika ime ndodh pas konstatimit. E gjitha kjo do një korrigjim. Frika ime, a është Trump apo është fluksi i tij gati ekstrem i djathtë, i aftë për të bërë korrigjimin e kësaj anomalie. T’i japësh zgjidhje. Një njeri që është ndoshta me të gjitha pushtetet, një president që ka pushtet dhe me prirjet që ka treguar, çdo bëhet në rrjetet sociale kur jepet një deklaratë e Trump, do etiketohet me pullë që është e pavërtetë, apo do jemi me këtë lirinë që e demaskon me forcë Rama.
Në Shqipëri kemi një lider, që këtu mediat sociale duan një rregullim për t’i ngushtuar liritë se eshtë bërë një kaos. Një Trump që duam një rregullim për t’i zgjeruar liritë.”, tha ai.
