Gjykata e Posaçme e Apelit ka rrëzuar kërkesat për ndryshim mase të ish-drejtorëve të Bashkisë së Tiranës Redi Molla dhe Mariglen Qato, që ndodhen në burg në kuadër të dosjes ‘5D’
Vendimi vjen pak javë pasi Gjykata e Lartë, vendosi të rishqyrtohej në apel ankimi, por jo me gjyqtar Florjan Kalaja, teksa shorti përcaktoi në trupë Nertina Kosovën.
Vendimi i mëparshëm i Apelit ishte ankimuar në Gjykatë të Lartë nga Redi Molla dhe Mariglen Qato, të cilët prej muajit mars janë në qelinë e paraburgimit për dosjen ‘5D’, si dhe nga Taulant Tushe, Julian Zanaj dhe Eglantina Zere.
Vendimi i Gjykatës së Lartë erdhi pak ditë pasi, SPAK i shtoi një tjetër akuzë Redi Mollës dhe Mariglen Qatos për ‘pastrim parash’, ndërsa për Taulant Tushen u kërkua zgjatje e veprimeve hetimore me 3 muaj, kërkesë e cila u pranua nga GJKKO.
Gjyqtari Kalaja, kishte evidentuar në argumentet e tij, se prokurorët duhet të thellohen në hetime, pasi nuk është dakort që Maringlen Qato, Redi Molla dhe Taulant Tusha kishin pasur një bashkëpunim të thjeshtë për vjedhjen e fondeve publike. Sipas gjykatësit, mënyra se si kanë vepruar këta i ka të gjitha karakteristikat e një ‘grupi të strukturuar kriminal’
