Kreu i Lëvizjes Bashkë Arlind Qori duke folur në MCN tha që skema aktuale e pensioneve është kryekëput e dështuar dhe duhet reformuar me themeli.
Qori theksoi se qeveria e ka të pamundur të ketë para edhe për të vjedhur, edhe për të qeverisur, duke shtuar se do të mjaftonin 1 miliard euro që vidhen dhe shpërdorohen çdo vit për t’i çuar pensionet në nivelet e minimumit jetik.
Qori: Shqipëria në të gjitha parametrat socialë mbetet një nga vendet më të varfra të Europës. Shqipëria sot ka pensionet më të ulëta në Europë. Njerëzit në nevojë, pensionsitët, personat që marrin ndihmë ekonomike, të rinjtë, janë përherë më tepër në një gjendje katastrofike. Kjo sjellë plagën tjetër të emigrimit masiv, sidomos të të rinjve të kualifikuar. Qeveria s’ka se si t’i përgjigjet, sepse s’ka para edhe për të vjedhur dhe për të qeverisur.
Çdo vend në Europë e subvencionon skemën e pensioneve, ajo që thotë qeveria që po bëjmë namin, është një gënjeshtër e pacipë. Sipas KLSH-së 1 miliard euro vidhen dhe shpërdorohen në Shqipëri çdo vit, një shumë e konsiderueshme kjo për t’i ngritur pensionet në nivelin e minimumit jetik. Kemi edhe probleme të skemës, e cila është e varur nga numri i atyre që punojnë, niveli i kontributeve dhe niveli i rritjes ekonomike.
Në të gjitha komponentët qeveria aktuale është kryekëput e dështuar. Ne kemi raportin 1.17 me 1, raportin. Në vendet e zhvilluar është 3 me 1, pra 3 veta punojnë për një. Shqipëria ka nivelet më të larta të informalitetit në punë dhe emigrimit jashtë vendit. Buxheti i shtetit do vazhdojë të paguajë koncesionet në fuqi. Ato janë botërisht të njohura si kontrata korruptive, abuzimi. Në Shqipëri norma e abuzimit është e jashtëzakonshme. Dëmi ekonomik i tyre është jashtëzakonisht i madh. Po të marrim një nivel shpërdorimi 20 për qind, vërtet janë shumë para. Kjo qeveri u jep ortakëve edhe koncesione në sektorë mjaft të rëndësishëm, merrni ndërtimin e rrugëve”.
Qori tha se kryeministri Edi Rama e ka humbur toruan me të dhe Lëvizjen Bashkë, pasi është vënë me shpatulla pas murit.
Qori: Po kërkojmë drejtësi shoqërore, një nivel pensionesh ku pensionistëve u del pensioni për të ngrënë bukë dhe për të blerë ilaçe. Sot pjesa më e madhe e pensionistëve nuk ka një pension që u siguron ushqimin dhe të mirave bazike. Shumica merr një pension poshtë minimumit etik të llogaritur nga Avokati i Popullit. Sot pensionistët nuk vdesin për bukë dhe nuk shtrihen në rrugë, vetëm sepse fëmijët e tyre bëjnë atë që duhet të bënte shteti. Po gjejmë mbështetje jo vetëm nga pensionistët, por edhe fëmijët, nipërit dhe mbesat e tyre. Kjo skemë fund e krye korruptive duhet të reformohet me themeli.
Mua më vjen keq që kryeministri i Republikës së Shqipërisë përdor nofka të tilla. Rama e humb toruan me mua dhe Lëvizjen Bashkë, vetëm atëherë kur ndihet shumë keq, gjatë protestës studentore dhe tani. Kjo do të thotë që e kemi vënë me shpatulla pas murit dhe të sillet si njeri i padenjë. Këto batuta të lodhura bëjnë me turp pozicionin e kryeministrit të Shqipërisë
