Analisti Basir Çollaku, ka folur për rikthimin në Portin e Durrësit të 2,100 ton mbetje toksike të cilët u nisën për në Tajlandë.
Sipas gazetarit, rikthimi i kontenjerëve është rikthim i provës dhe prokuroria duhet të kishte vepruar duke e shoqëruar me procedim penal në ngarkim të një autoriteti i dyshuar për mosveprim apo veprime për këtë skandal të madh.
“Rikthimi i kontenjerëve është rikthim i provës. Ajo çka prokuroria duhet të kishte ndodhur më herët por duhej të shoqërohej me procedim penal në ngarkim të një autoriteti i dyshuar për mosveprim apo veprime për këtë skandal të madh, ky është një gjenocid edhe mjedisor dhe ndaj jetës, janë mbetje toksike. Nëse do të kishin qënë aq të lumtura ngarkesat e kësaj anije do të kishin ndaluar në destinacionet e tentuara, në Tajlandë ku u nisën fillimisht dhe më pas falë Rrjetit të Bazelit ne morëm vesh se çfarë ka ndodhur, por morëm vesh edhe çfarë nuk kanë bërë institucionet tona, tatimet doganat, Porti i Durrësit, ku drejtor ishte Pirro Vengu.
Në këtë port çfarë ndodh që skandalet e mëdha që prodhojnë miliona euro edhe në këtë rast edhe ky trafik i mbetjeve toksike por edhe të kokainës, për këto gjëra kush e kontrollon portin? Kush janë zotër të këtij autoriteti institucioni shtetëror pasi është porti më i madh në Shqipëri, çfarë ndodh aty? Kush njerëz janë përgjegjës aty?”, tha Çollaku per syri tv
